• الأبراج
• مقالات الأبراج
• الإيموجى اللى شبه صفات كل برج بالصور

الإيموجى اللى شبه صفات كل برج بالصور

الإيموجى اللى شبه صفات كل برج بالصور

غرد

ال«Emoji» الذي شبه صفات الحمل

العصبي اللى روحه في مناخيره الحمل بطبيعته شخص عصبی، خلقه ضيق، بیکره البرود والشخصيات المستفزة، ده غير أنه مندفع في تصرفاته وردود أفعاله، لكن الحقيقة هو أكتر حد هتلاقيه بيطلع يطلع وينزل على مافيش.

ال«Emoji» الذي شبه صفات الثور

الغامض اللي تعبيرات وشه هتحيرك الثور من أكتر الشخصيات اللى تعبيرات وشها دايما هتحيرك، لأنه ممكن يكون مضايق جدة لكن وشه بيضحك، أو متعصب وعلى أخره لكن ملامحه باردة، المهم أنك في كل الحالات مش هتلاقي أطيب من قلبه.

ال«Emoji» الذي شبه صفات الجوزاء

المجنون اللي متفهملوش حاجة الجوزاء معروف بأنه مجنون، لكن ده مش بس عشان هو كل شوية بحال، لكن بيقدر يظهر عکس اللى جواه، يعني ممكن جدأ يبقى مضايق وتلاقيه قاعد بيهزر وبيضحك ولا كأن فيه حاجة وده بيخلي الناس تفتكره مجنون ومتفهموش.

ال«Emoji» الذي شبه صفات السرطان

الحساس اللى بيتأثر من أقل حاجة السرطان حساس جدأ، بيتأثر من أقل حاجة وده مش لأنه كئيب، بس عشان هو دايما بيبقى مستني الناس تعامله بنفس الطريقة اللي بيعاملهم بيها، ولما مش بيلاقي ده بيضايق جدا وبيتأثر، خصوصا لو الشخص ده عزيز عليه

ال«Emoji» الذي شبه صفات الأسد

الجامد اوى اللى مفيش حد زيه ثقة الأسد في نفسه بتخليه دايما حاسس أنه جامد جدا وأن مفيش حد زيه، ده غير أن عنده کاریزما وحضور بيفرض نفسه على أي مكان يروحه، وعلى الرغم من أن الناس ساعات كتير بتفتكره تنك ومغرور، إلا أنهم بمجرد ما بيعرفوه كويس بيحبوه وبيكتشفوا أنهم كانوا ظالمينه.

ال«Emoji» الذي شبه صفات العذراء

اللماح اللى بيفهمها وهي طايرة ذكاء العذراء بيخليه يقدر يفهم اللى قدامه بسهولة حتى من غير ما يتكلم، وده لإنه لماح وبيلقطها وهي طايرة، على الرغم من أنه أوقات كتير بيحب يعمل عبيط ويحسس اللى قدامه أنه مش فاهم أي حاجة وهو فاهم كل حاجة.

ال«Emoji» الذي شبه صفات الميزان

الرومانسى اللى بيحب على نفسه الميزان مابيعرفش يعيش لوحده، ودايما بيحب، مش شرط يبقى بيحب شخص، ممكن جدأ يحب مكان أو صاحب أو أكلة أو حتى أغنية أو فيلم المهم أنه بيبقى مخلص جدا للحاجة اللى بيحبها أيا كانت وبيبقى بينه وبينها علاقة محدش هيفهمها أو يعرف تفاصيلها غيره.

ال«Emoji» الذي شبه صفات العقرب

المحلل اللى طول الوقت بیفکر العقرب شخص بيفكر كتير، وده مش بس لأنه مش بيصدق أي حاجة بيشوفها وبيحب يتأكد منها بنفسه، بس لإنه عنده قدرة رهيبة على تحليل المواقف وربط الأحداث ببعض، ده غير قوة ملاحظته اللى بتخليه يقدر يفهم اللى قدامه كويس، وغالبا إحساسه بيطلع صح

ال«Emoji» الذي شبه صفات القوس

الفرفوش اللى بيهزر طول الوقت القوس بطبيعته شخصية دمها خفيف وروحها حلوة، بيحب يهزر وتضحك طول الوقت، وبيكره الدراما والشخصيات الكئيبة والنكدية وعشان كدة كل الناس بتحب وجوده لأنه مبهج وبيحلى القاعدة.

ال«Emoji» الذي شبه صفات الجدي

العبقرى اللى بيلاقي حلول لكل حاجة الجدي من الشخصيات اللي تقدر تقول عليها «بتفوت في الحديد»، مفيش حاجة بتقدر تقف قصاده أو توقفه عن الحاجة اللي عايز يعملها أو يوصلها مهما كانت صعبة، وده بفضل إصراره وطموحه وعبقريته اللر مفيش زيها.

ال«Emoji» الذي شبه صفات الدلو

المجامل اللى بيثبت أجدع جدع الدلو مجامل من الدرجة الأولى، بيعرف إزای يثبت أى حد، يعني هيحطك في جيبه بمنتهی السهولة حتى من غير ما تحس، وده لإن كلامه حلو وبيعرف يختار ألفاظه کویس عشان يقنعك باللي هو عايزه.

ال«Emoji» الذي شبه صفات الحوت

المرهق اللى دايما عايز ينام الحوت طول الوقت حاسس أنه مجهد وتعبان ومضغوط ومحتاج ياخد أجازة من كل حاجة يريح فيها وينام براحته، وده لإنه دايما مسحول وبيعمل حاجات كتير ومش بيلحق يرتاح ولا ياخد كفايته في النوم.



المزيد من مقالات