كيفية التعامل مع كل برج
كيفية التعامل مع كل برج .. عشان تتعامل مع الابراج لازم تعرف ازاي تتعامل مع كل برج
غرد
عشان تتعامل مع الجوزاء لازم تعرف
إن مزاجه بيتغير مليون مره فى الدقيقه لدرجه انه مبقاش فاهم نفسه الجوزائى ده شخص جواه كراكيب كتييير اوووى من الأفكار و حاجات نفسه يعملها و أحلام كتير بس الدنيا مش مساعداه لو قدرت تفهمه و تفهم الحاجات اللى جواه .. هيحبك و هيقربك منه اكتر
عشان تتعامل مع الدلو لازم تعرف
إنه شخص بيزهق بسرعه جدااا .. لازم يبقى فيه تغيير بين كل لحظه و اللى بعدها .. لازم يبقى فيه تشويق دايما كل شويه حاجه جديده و موضوع يشده و يلفت انتباهه و عشان كده لو عايز يطوّل فى علاقته معاك لازم تبقى شخص متجدد
عشان تتعامل مع الأسد لازم تعرف
إنه بيحب مبدأ الإبهار يعنى لازم تبهره بيك ، بقصصك عن نفسك بإسلوبك ، بأفكارك .. يحب يظهر بشكل مُبهر لغيره , و كمان برج الاسد بيحب الحاجات النادره اللى مش موجود منها كتير فى العالم .. يحب يمتلك الحاجات النادره اللى ميكونش عند حد تانى زيها
عشان تتعامل مع القوس لازم تعرف
إنه كائن حر ! بيكره القيود والوعود ميحبش حاجه تربطه و تخنقه مايحبش يوعد وعد يقيده و يبقى ملتزم بتنفيذه وهو شخص بيحب يعيش حياته بالطول وبالعرض .. ماتفرضش عليه حاجه يعملها و متقولوش لازم تعمل كذا و كذا .. سيبه على راحته هيحبك أكتر
عشان تتعامل مع العقرب لازم تعرف
إنه بيقدّر ثقتك فيه ! طول الوقت بيحب يحلل شخصية الى قدامه مش زى باقى الناس انه بياخد انطباع عن الشخص و خلاص لكن لأ طول الوقت يتفحصك و يفحص نواياك و أي دقيقه يحس إن ثقتك فيه إتهزت سواء بكلمة أو تصرف ممكن ياخد منك موقف و يبعد عنك و يحس انك مش تمام.. شخص عنده مبدأ ان "الثقة أساس العلاقات"
عشان تتعامل مع العذراء لازم تعرف
إنه شخص يكره ياخد حاجه من غيره موضوع الكرامه ده عنده كبيــــــر اوووى بيحب يعتمد على نفسه و يجيب الحاجه اللى هو عايزها بنفسه و لما يعملها يبقى فخور بإنجازاته و لو حصلت و ده نادرااا انه يطلب حاجه من حد خلى بالك و اوعى تحسسه بالمنّة و انك عملتله و سويتله عشان عنده كرامته أهم منك
عشان تتعامل مع الثور لازم تعرف
إنه شخص بطيء! بطيء فى التعرف عليك بطيء فى إعجابه بيك بطيء حتى فى انه ياخد قرار انه يسيبك بطيء فى فقدان الأمل فى اى حاجه تخص مشروعاته و حياته.. ببساطه هو شخص بيحب يعمل كل حاجه بتأنى بيكره الاستعجال لو عايز تتعامل معاه بلاش تستعجله دى أكتر حاجه بيكرهها فى حياته
عشان تتعامل مع السرطان لازم تعرف
إنه بيحب التقدير ! قدره ، حسسه إن ليه مكانه مختلفه عن غيره و انه شخص مميز فى حياتك و ليه اهميه كبيره عندك و من غيره دنيتك هتقف و مش هتعرف تعيش لو حس من ناحيتك بالشعور ده يبقى انت كده قدرت تكسب قلبه و تعلقه بيك جدااااااااااا
عشان تتعامل مع الحوت لازم تعرف
إنه شخص طيب بس عنده لسعه جنان لازم تحاول تفهمه إنك بتتقبله كلياً يعنى مهما قالك من أفكار مجنونه بلاش تنتقده عليها هو بس بيجيله ساعات افكار غريبه و مش لازم ينفذها بس هو بيفكر فيها و كمان لازم تحسسه انك معاه فى اى فكره و مش هتسيبه و لا تبعد عنه هيحس بالامان معاك و هيحبك اكتر
عشان تتعامل مع الحمل لازم تعرف
إنه طيب ! هو شخص طيبتة غريبه مهما كان فيه صفات سيئه بس طيبته هتغلب على كل صفاته السيئة هو شخص نقي و بيندم بسرعه على أى حاجه غلط بيعملها و ضميره الحى بيأنبه جداااا لو أساء لشخص .. يعنى بينفعل بسرعه و مبيحبش حد يجى على كرامته بس بعدها بيندم جدا على انفعاله
عشان تتعامل مع الجدى لازم تعرف
إنه تنافسي فى كل حاجه ! و هو السبب ده اللي ممكن يخليه يتفهم غلط و ممكن يخلى الناس تتهمه بالغيره و أحيانا بالأنانية أو سلب الأضواء لكن هو بيحاول يثبت نفسه و يكون احسن من كل اللى حواليه فى كل حاجه و ده اللى بيخليه يتميز و يتفوق على غيره لانه دايما بيحاول يبقى احسن من الناس و عنده اصرار و اراده قويه بتساعده على كده
عشان تتعامل مع الميزان لازم تعرف
إنه متأني و بيخاف من الإرتباط ! لأن بالنسبه ليه الإرتباط والقرار يعني فقد بعض الخيارات وهو شخص يحب يسيب كل الاختيارات مفتوحه دايما قدامه ده بيديله احساس انه قدامه كل حاجه عايز يعملها مش عايز يعمل حاجه يندم عليها بس لو اختار انه يرتبط بحد بيحب ان الانسان ده يحسسه بانه اختار صح و انه عمره ما هيندم على الاختيار ده لان الميزان شخص متردد بطبعه و بيخاف من انه يختار غلط مع ان كان قدامه انه يختار الصح.. الاحساس ده بيقتله
المزيد من مقالات
أفضل مجاملة تقال لكل برج
تعرف علي أفضل مجاملة تقال لكل برج لجميع الأبراج , ما يسعد كل برج , طريقة كلام كل برج ...
افضل طريقة للتخلص من الضغط النفسي والتوتر حسب برجك
افضل طريقة للتخلص من الضغط النفسي والتوتر حسب برجك التوتر والقلق يمكن أن يصل إلى أفضل ما لدينا. هل أنت مرهق كل يوم ولا يوجد حل؟ يمكن أن يكون الشعور بالضيق والاسترخاء هو السبيل للذهاب ولكن ما هي الطريقة المثلى للقيام بذلك؟...
ما لا تعرفه عن عناصر الأبراج وصفاتها
ما لا تعرفه عن عناصر الأبراج وصفاتها , الأبراج النارية الحمل - الأسد - القوس و الأبراج الهوائية الجوزاء - الميزان - الدلو و الأبراج الترابية و الأبراج المائية ...
الأبراج الفلكية والابداع والفن.. اعرف الفنان اللي جواك حسب برجك
الأبراج الفلكية والابداع والفن.. اعرف الفنان اللي جواك حسب برجك الفن هو التعبير الرائع عن مشاعر شخص ما وأفكاره التي يتم نقلها للعالم بأكثر الطرق تميزًا.....
من هي الابراج المهووسة بالنظافة والترتيب؟
من هي الابراج المهووسة بالنظافة والترتيب وهل انت واحدة منها؟ تعرف علي الابراج الاكثر نظافة و أكثر الأبراج وسوسة....
أكثر الأبراج تلاعبا بالمشاعر
أكثر الأبراج تلاعبا بالمشاعر و استغلال و مصلحة كل شخص لديه القدرة على التلاعب بالآخرين للحصول على الأشياء التي يريدونها. قد لا تدرك أنك تتلاعب بشخص ما ، أو ربما تعرف بالضبط ما تفعله....
أكثر الأبراج عصبية بالترتيب
أكثر الأبراج عصبية بالترتيب من الأكثر إلى الأقل كل شخص يتعامل مع الطاقة العصبية بشكل مختلف. ويصاب الجميع بالتوتر لأسباب مختلفة...
أكثر الأبراج كذبا
على الرغم من عدم وجود ابراج خالية تمامًا من الكذب ، فإن هؤلاء الستة هم على الأرجح لن يقولوا الحقيقة أبدًا...