تأثير كسوف الشمس في العقرب علي الأبراج 25 أكتوبر
باقتراب نهاية الشهر وانتقال الشمس والزهرة لبرج العقرب المائيوالتأثيرات الهامة للكسوف الشمسي في برج العقرب يوم 25 أكتوبر
ورح يكون كسوف جزئي ومرئي في الوطن العربي وأوروبا وغرب آسيا وشمال افريقيا
ويلي بكون تأثيرو الأكبر على مواليد الأبراج يلي بيولدو بنهاية كل شهر
يعني 22 23 24 25 26 27 28 29 وطبعا عالابراج بالكامل لكن مواليد هي الأبراج بتأثر اكتر شي .. وايضا يجب الامتناع عن القيام بالاعمال المهمة خلال فترة الكسوف وخاصة العمليات الجراحية وايضا الخطبة والزواج وعمليات التجميل والانتباه اثناء السفر والتأكيد على الحالة النفسية والتفكير بالتغيير والتصالح مع الذات والعمل على البدء من جديد ويجب ان نعرف جيدا كيف نستغل هذا الحدث لنضع النهاية لما يتعبنا ولأحداث ماضية وننطلق بقوة اكبر
وطبعا تأثيرات الكسوف بتمتد بتأثير مباشر قبل وبعد الكسوف بخمس ايام وتأثير على المدى البعيد بتصل لوقت طويل حسب الطريقة يلي بأثر فيها عل البرج
ويمكن كتير اشخاص بدأت تحس بتأثير الكسوف حسب برجها حسب التنبيه يلي رح اكتبو لكل برج
وحاولت اكتب من هلق حتى الناس تنتبه بكير وتعرف تتجنب هي القصص او تنتهي منها قبل موعد الكسوف
أما النقاط الاساسية يلي بأثر فيها بشكل عام :
تأثر الوضع المالي وتضخم في أسعار السلع والمواد
زيادة في حالات الوفاة
خسارة اشخاص في المجال الفني والاعلامي
اكتشاف مرض جديد
تأثيرات تخص باطن الارض والبراكين والامور الخفية والروحية
علاقات غير طبيعية وزيادة في حالات الاغتصاب ونهاية العلاقات بصورة مفاجئة
زيادة في معدل الجرائم والانتقام ايضا
تأثير الكسوف على الابراج
برج الحمل
انتبه لأمورك المالية المشتركة وحاول تحصل مبلغ من الشريك قبل وقت الكسوف وكمان تنهي امور الميراث والقضايا القانونية حتى ماتتعقد ويطلع فيها حكم مايريحك وفي قصص مع الاخوة حا ل تهدي فيها ويمكن امور مالية وقضايا بتخص سيارات .. وكمان انتبه بامورك الأوراق والعقود ويمكن تنهي علاقة او شراكة وفي خسارة شخص ومال عند البعض وانتبه بعلاقاتك العاطفية من زيادة في العاطفة او الغلط وانشالله تمرق على خير..
برج الثور
حاول تركز وضع شراكاتك من هلق واختار الشريك يلي يريحك مو يتعبك ويستفزك ورح تلاقي فترة الكسوف الناس من حولك اكتر عدائية تجاهك وهالشي طبيعي مشان هيك خليك مساير وبلا عناد وكمان الأفضل تتجنب فترة الكسوف اي خناقة او مشكلة او مواجهة لان مو لصالحك -- واذا بدك تصفي حساباتك مع شخص صفيها من هلق وحاول تنتبه بشراكاتك وكمان مع الشريك العاطفي فهمو من هلق انك رح تكون كتير متوتر مشان يعرف يتعامل معك ويتجنب اي مشكلة تنهي كل شي .. ممكن تجيك فرصة حب جديد كمان .. وبضل لازم تنتبه بوضعك المالي والمشاكل يلي سببها المال .. وانشالله بتمرق على خير.
برج الجوزاء
اذا عندك شغل او شي مهم او قصص متراكمة حاول تخلصها من هلق لان فترة الكسوف رح تكون حافلة عندك ومارح تفضى تحك راسك .. يعني هون على حالك وخلص كل شي لازم تنهيه کمان بدي منك تكون منظم فترة الكسوف بشغلك ودراستك وكمان بالبيت وتحاول قد مافيك تخلص الامور الضرورية عندك .. غير هيك توقع مشاكل بفترة الكسوف مع زملاء العمل والدراسة ويمكن هالشي يدايقك لازم تعرف تتعامل صح وتفهمين هالشي .. غير هيك يمكن تخسر شغلك فجأة او من اي اهمال بوقت الكسوف .. كمان انتبه لوضعك الصحي لان فترة الكسوف بدها اهتمام مضاعف بصحتك واكلك كتير منيح تبلش رياضة وتداري حالك ولازمك نوم وراحة وهالشي كمان بدو اهتمام منك .. وانشالله بتمرق على خير.
السرطان
فترة الكسوف بتشهد عندك نهاية وولادة جديدة بنفس الوقت يعني يمكن تكون ناطر قصة وتصل اللقمة للتم وتروح لكن لاتخاف منيب الشيخ -- بتعوضها . وانتبه فترة الكسوف بامور بتخص الاطفال والأبناء والاخوة الصغار وكمان بقصص الانجاب والحمل . غير هيك انتبه بعلاقاتك العاطفية لان يمكن تخسر حبيب او يصير في مشكلة تأثر .. -- -- في حظوظ لكن بنفس الوقت ابتعد فترة الكسوف عن المقامرة بالاعتماد الكبير على الحظ او حتى بالعلاقات العاطفية لازم تعرف كيف تستفيد من الكسوف ليولد عندك خيارات افضل ويمكن يرجعلك اشخاص كمان .. وانشالله بيمرق على خير
الأسد
اذا عندك قصص عقارية او عائلية حاول تنتهي منن قبل فترة الكسوف وخاصة انو بتأثر فيها . ويمكن تتأثر باحداث بتخص الأهل بفترة الكسوف او يكون في تغییر مکان مفاجئ او سفر او بیت او شغل جدید غالبا الوضع بالبيت ومع العيلة بيشغلك اخر الشهر وفترة الكسوف ومشان هيك احمي حالك خليك حذر من اعطال او حوادث بالبيت کمان انتبه بامور بيع وشراء للعقارات ويمكن في شي بخص الأراضي او البيع والشراء عند البعض ومانو لصالحك کمان الامور الصحية بحاجة لانتباه باخر الشهر وفترة الكسوف وحاول تضل منتبه لهالشي .. وانشالله بتمرق على خير
العذراء
لازم تعرف تستفيد من الكسوف بدون مشاكل خاصة انها فترة نشاط كبير وتحرر عندك -- منيب الشيخ بدي منك تنتبه لامور بتخص الأخوة والجيران عندك بفترة الكسوف وبلا مشاكل بهالاتجاه کمان يمكن تتعرض لقصص بتخص موبایل او سيارة او حوادث سير بفترة الكسوف ولازم تنتبه . غير هيك وضع الانترنت والسوشل ميديا والمجال الاعلامي عندك بكون فيه مشاكل او قصص بتخص الأوراق والتواصل وسوء الفهم .. حاول تعرف تمشي امورك صح ويمكن يكون في سفرات قصيرة وعلاقات اوسع لكن بدها مراقبة القصة وانشالله بتمرق على خير
الميزان
اكتر شي لازم تنتبه الو بفترة الكسوف هو الوضع المالي عندك يعني اذا عندك امور بيع او شراء او قرار مصيري مالي فانتبه كتير. غير هيك لا تشتري شي غالي بفترة الكسوف كمان انتبه بفترة الكسوف من الاكل الزايد والامراض يلي ممكن تكون وخاصة بسبب زيادة وزنك . يمكن فترة الكسوف تحتاج فيها تأمن حالك ماليا ومن بعض الامور مثل البنزين والمازوت وغيرها . " - كمان فترة الكسوف ممكن يكون فيها مشاكل بتخص المطاعم او الاكل او تحس انك ماعم تشبع نوم كمان .. واهم شي لاتصرف كتير وضب ايدك وراقب وضعك المالي من خسارة وحاول تضل حذر.. وانشالله بتمرق على خير.
العقرب
الكسوف ببرج وبالدرجة الثانية وهالشي لازم تنتبه فيه من الضغط النفسي الكبير وتحاول تمارس التامل وتروق .. الكسوف ممكن ينهي عندك امور وقصص ويعطيك بدايات جديدة فيما بعد فكون صبور.. مع الكسوف بدي منك تنتبه من قصص مفاجئة وتغييرات ممكن تحصل وتنتبه من خسارة اشخاص .. الكسوف ممكن ينهي عندك علاقة او شراكة او شغل لكن بيوعدك لبعدين بتغيير ايجابي .. ماتزعل على شي وفكر بأنو بكرا رح يعطيك التعويض عن كل شي وانتظر بدايات جديدة -- انتبه لصحتك النفسية الجسدية مع الكسوف كمان .. وانشالله بتمرق على خير
القوس
اذا عندك شي مهم او امور بدك تعملها حاول تنهيها هالفترة لان وقت الكسوف واخر الشهر مارح يكون الوضع تمام .. استعل علاقاتك ودعم الاصدقاء حاليا حتى تخلص يلي بدك وتستفيد اما اخر الشهر فبددك تغيير معاملتك اكيد .. وقت الكسوف مابدي طيبة قلب منك وماتثق حتى بأقرب الناس الك لان الكل رح يفهمك غلط وبحاول يغدر فيك .. انتبه كمان بنهاية شهرك وفترة الكسوف لامور الصحية ومن قصة مشفى او سجن يمكن تحس بالعزلة والوحدة بنهاية الشهر عندك وتصير تكوبس بفترة الكسوف وانت نايم ماتقلق بتمرق لكن توقع الأسوأ من اي شخص حولك وضلك حذر هاد اهم شي ويمكن تنهي علاقات وشراكات عندك وانتبه اذا بدك تسافر.. وانشالله بيمرق على خير.
الجدي
فترة الكسوف بكون في كتير ناس وصداقات حولك لكن مع هيك يمكن بسبب الكسوف تخسر صديق عندك .. منيب الشيخ بدي منك بفترة الكسوف تضل حذر اذا في مناسبة او عزيمة فكر منیح قبل ما تروح وانتبه من قصة تزعجك - غير هيك اعتمد على دعم الصداقات لكن حاول كمان بنفس الوقت بفترة الكسوف تتابع امورك بنفسك .. انتبه بفترة الكسوف من التغيير المفاجئ وحاول ماتخالف القوانين كمان وفي قصص بالشغل وصحية ممكن تشغلك وبشكل عام انشالله مابكون التاثير سلبي عليك وبدل ماتكون سلبية ممكن تتعرف على اصدقاء جدد .. وانشالله بتمرق على خير.
الدلو
بما انو هالفترة حلوة عندك ففيك تتحرك وتستفيد من علاقاتك امورك المالي اكتر.. أما فترة الكسوف فانتبه من امور بالشغل ومع المسؤولين وماتخالف القوانين وتغلط لانك تحت الضو والكل عم يراقبك بكون وناطرينك على غلطة وغير هيك فترة الكسوف ممكن يكون فيها قصص بتخص الأب تشغل وكمان لازم تنتبه بامور هامة واذا انت بمنصب ومن خسارة شغلك ممكن الكسوف يسببلك شهرة عكسية ويكون في حكي ناس عليك او تشويه سمعة يعني خليك دبلماسي وماتواجه الناس المسؤولة والمهمة.. وانشالله بتمرق على خير
الحوت
الكسوف بنبهك اذا عندك سفر او على طريق طويل أو إذا عندك شي بالسفارة او بشركة طيران .. كمان انتبه من امور دراسية بتخص الجامعة او دراسات عليا لان بصير فيها شوية تعسير وعرقلة ومشاكل . منيب الشيخ كمان انتبه بفترة الكسوف من تشدد ديني وافكار فلسفية غلط ومن رغبتك بالتحرر ومن قيود ومسؤوليات ممكن تنفرض عليك -- -- حاول تتصرف صح وممكن الكسوف يفتحلك ابواب جديدة بعد مايسكر ابواب بوجهك قلا تتسرع .. انتبه كمان من الحوادث قدر الامكان .. وانشالله بتمرق على خير.
المزيد من اخبار الابراج والفلك
اخبار فلكية ابراهيم حزبون الشمس فى الجوزاء
اخبار فلكية ابراهيم حزبون عطارد إلى الحركة الأمامية والزهرة إلى الجوزاء
كوكب زحل والابراج
مقالات قد تهمك
كيف اعرف برجي
اعرف برجك من تاريخ ميلادك
شخصية الرجل فى الابراج
نقاط ضعف الابراج
الاحجار الكريمة
اعرف رقمك المفضل من برجك
نصائح هامة لطلاب الثانوية العامة